Monday, April 9, 2012

Family


Family – an institution, a group and a relationship. 

It is an ordinary experience to a child but an extra ordinary experience to a father and a mother. It is a special experience for both (child and parents). It is an involvement where you encounter love, hatred, joy, sadness; an experience of completeness and longing, pleasure and sacrifice. Everyone may have a different experience in every family; but whatever experience you may have right now - Know that it is a complete human experience that satisfies one purpose of living. 

Family - a very special gift from God.



Wednesday, October 7, 2009

Itim Na Kaldero




Ang flip-flops ko'y makapal na Rambo
Ito ang nakayanan ng budget ko
Naipon mula sa pinagbentahan ng munggo
Siyang ulam din namin ng isang Linggo

Ang bulsa ko ngayon ay humihingal
Sa tinapa na dati kong almusal
Maging pritong tuyo ngayon ay matumal
Dahil sa halaga ng perang sa mga buwitre ay banal

Talbos ng kamote ay masustansiya
Kahit pa uma-umaga
Kasabay ng Sinangag na dating tutong
Pamatid gutom sa maghapon

Limam-piso bawat galon kung umigib
Panulak ko'y pinakuluang tubig
Ang tingang kumapit sa gilagid
Tinangay ng panulak kong masigasig

Ang lechong pangarap ng dila
Inagaw ng makapangyarihang buwaya
Kinulimbat ang imbakan ng masa
Kayat pagkain nya'y abot ngala-ngala

Kelan kaya ako makakatikim
Ng pang-maharlikang pagkain
Kung ang puso ng mga kumukup-kop sa amin
ay Parang sa kalderong ubod ng itim...


Itim Na Kaldero
by goryo dimagiba : copy right © 2009


Wednesday, September 2, 2009

OFW vs. Buwayang Pulitiko






Ang OFW lumilipad at nagtatrabaho sa ibat-ibang bansa para magkapera
Ang Buwayang Pulitiko tumatakbo sa ibat ibang posisyon sa sariling bansa para magkamal ng pera

Ang OFW nagpapa-alipin sa ibang lahi at tinitiis ang pagkawalay sa pamilya
Ang Buwayang Pulitiko inaalipin ang mahihirap sa pagpapasarap sa buwis ng bayan kasama ang kulasisi at ng ibat-iba niyang pamilya

Ang OFW kumakayod sa ibang bansa para makapag-uuwi ng dolyar dito sa ating bayan
Ang Buwayang Pulitiko nangungurakot sa sariling bayan tapos inilalabas at binabangko ang nakulimbat na pera sa ibang bansa

Ang OFW pinalalakas ang ekonomiya ng bansa dahil sa dolyar na ipinapasok
Ang Buwayang Pulitiko, pinahihina ang ating ekonomiya dahil sa perang kinukulimbat at inilalabas

Ang OFW nagsisikap at nagpupursigi para maitaas ang antas ng kabuhayan ng pamilya
Ang Buwayang Pulitiko ay malaking dahilan kung bakit patuloy ang pagbagsak ng antas ng pamumuhay ng mga maralita

Ang OFW madalas kapit sa patalim
Ang Buwayang Pulitiko kapit-tuko sa pwesto


OFW vs. Buwayang Pulitiko
by goryo dimagiba : copy right © 2009